بكل الم ويأس مسكت قلمي
مسكته والعبره خانقتني
وعيوني تهل الدمعه
وكاتمه صرختي بصدري
حتى الصرخه محرومه أني اطلقها
تركت القلم برهه
ماني قادره أخط الكلمه
وقمت أجر الخطوه
وقفت عند نافذة غرفتي
فتحتها والتفت يمين ويسار
ادور أحد جنبي
ابي انسان يفهمني
ومن احزاني يلملمني
وعلى صدره احط راسي
وبحضنه ادفن همي
وبحبه يحميني
من الظلم اللي عايش بقربي
وبحنانه يشفيني
من جروحي اللي ملت قلبي
وبأيده يمسح دمعي
ويحول دمعتي لبسمه
لكن للأسف مالقيت أحدآ جنبي
وممكن يشيل معي همي
وغصبآ عني طاحت دمعه
على حوض صغير مليته بالورد والزهره
صرخت وردتي وقالت يكفي
حرقتي غصوني بدموعك
ناظرتها وقلت لها أعذريني
نار سكنت جوفي
وظلم الاهل والاصحاب ذبحني
وفراق الغالي كسر ظهري
دام الحزن كاسي حياتك ليه زرعتيني بحوضك
زرعتك عشان الوانك تملى غرفتي
بدل السواد اللي كسى روحي
كيف تزهى الواني وانت من دموعك تسقيني
زرعتك وكأني أزرع الأمل بداخلي
مادريت إن الألم اللي فيني يقتل كل أمل زرعته
خلاص اوراقي ذبلت ماعاد فيها أي ثمره
تبسمت وقلت مو غريبه كل شي بحياتي ذبل
كل شي يقترب مني يذبل ويموت وكأني لعنه
حتى قلمي ماعاد يطاوعني
مسكين تعب من كثر ماخط همي
حتى أنت ياوردتي ماتحملت أوراقك الناعمه دموعي وآهاتي
ماحد قدر يصاحبني
غير جرحي ودمعتي
وسكرت نافذتي وأنا أقول الآه وألف آآآآه منك يادنيتي
والله نفذ صبري
وعيوني مازالت تذرف الدمعه
دمعــة حــزن
تريدن من يفهمك ويحاورك انهم موجودين عليك فقط البحث عنهم فهم من حولك
ReplyDeleteولا تجعلين الحزن يملئ قلبك
،،،،
انك مبدعة في التعبير عليك فقط ان تبديلينه بالفرح
،،وفقك الله
حاولت وياما حولت ولكن للاسف افرح دقيقه بالمقابل حزن ساعات وايام
ReplyDeleteوان شاء الله بسمع بكلامج وابحث عنهم وان شاء الله القاهم